أوس أوس (محمد أسامة) يوجه رسالة لمنتقدية: مش هسمح بالتدخل فى حياتى الشخصية

أوس أوس (محمد أسامة) يوجه رسالة لمنتقدية

 مش هسمح بالتدخل فى حياتى الشخصية

 
عبر الفنان الشاب محمد أسامة «أوس أوس»، نجم مسرح مصر، عن استيائه من حملة الانتقادات الشرسة التي تعرضت لها وزوجته، بعد حضورهما حفل زفاف شقيقة مصطفى خاطر
وعلق قائلاً عبر حسابة على انستجرام
انا مش محتاج ابرر واحكى اى حاجه عن حياتى والست اللى قلبى اخترها كنت ساعتها فى اول موسم لتياترو مصر
كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان
انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده ) الفلوس ممكن تشترى سرير بس ماتشتريش النوم !
ومش انا بس دا اغلب المشاهير اللى بتحسدوهم على حياتهم دلوقتى ماتعرفش بدا من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته..
ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه
كل ده بعمله على حساب حزنى وجرحى ووجعى انا ..وفى الاخر بتشتم برضه !
انا بقول الكلام ده ولن اسمح باى تدخل فى حياتى الشخصيه مره اخرى سواء بالخير او بالشر او دخول اسم مراتى فى اى كلمه من كلام المرضى النفسيين ..
مراتى اللى اخوها متوفى و ابنها متوفى وماصدقت اول مره اخرجها نروح مناسبه ودمرتوها نفسيا تانى بكلامكم المريض..حسبى الله ونعم الوكيل فيكم..
حقك عليا ياست الكل ❤️ سكت كتير وكنت بعدى لكن مفيش فايده..
كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس 👍

عن admin

شاهد أيضاً

منة عرفة

منة عرفة تجري أشعة على المخ وتشكو من الحسد

تعرضت الفنانة الشابة منة عرفة لعدد من الإصابات والحوادث المتكررة خلال الأيام الأخيرة الماضية. وطلت …

سمية الخشاب تتعرض لهجوم بعد ردها على محمد رمضان

أثيرت حالة كبيرة من الجدل على السوشيال ميديا خلال الساعات الماضية، بعدما نشرت الفنانة سمية الخشاب، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!